წნევის ქვეშ მომუშავე მოწყობილობებს თან უნდა ახლდეს შესაბამისობის დეკლარაცია; მომხმარებლისათვის გამიზნული, უსაფრთხოებასთან დაკავშირებული ყველა სახის საჭირო ინფორმაციის შემცველი ინსტრუქციები;  წნევის ქვეშ მომუშავე მოწყობილობების შესახებ ტექნიკური რეგლამენტის მე-12 და 3.3 (დანართი1) მუხლებით გათვალისწინებული ნიშანდება და ეტიკეტი.

შესაბამისობის დეკლარაცია უნდა შეიცავდეს შემდეგ ინფორმაციას:

• მწარმოებლის ან მისი უფლებამოსილი წარმომადგენლის სახელწოდებასა და მისამართს;
• წნევის ქვეშ მომუშავე მოწყობილობის ან სისტემის აღწერას;
• შესაბამისობის შეფასების გამოყენებულ პროცედურებს;
• აგრეგატების შემთხვევაში, იმ წნევის ქვეშ მომუშავე მოწყობილობის აღწერას, რო­მ­ლი­სგანაც შე­დგება აგრეგატი და შესაბამისობის შეფასების გამოყენებულ პროცე­დუ­რებს;
• საჭიროების შემთხვევაში, ინსპექტირების ჩამტარებელი შესაბამისობის შემფასებელი პირის დასახელებასა და მისამართს;
• საჭიროების შემთხვევაში, ინფორმაციას ტიპის სერტიფიკატის, პროექტის სერტიფიკატის ან შესაბამისობის სერტიფიკატის შესახებ;
• საჭიროების შემთხვევაში, შესაბამისობის შემფასებელი პირის დასახელებასა და მისამართს, რო­მელიც მონიტორინგს უწევს მწარმოებლის ხარისხის უზრუნველყოფის სისტემას;
• საჭიროების შემთხვევაში, მითითებას გამოყენებული სტანდარტების შესახებ;
• საჭიროების შემთხვევაში, სხვა გამოყენებულ ტექნიკურ სტანდარტებსა და სპეცი­ფი­­­­კა­ცი­ებს;
• საჭიროების შემთხვევაში, მითითებას გამოყენებული სხვა ტექნიკური რეგლამენტების შე­სა­ხებ;
• ზუსტ ინფორმაციას კანონის მიხედვით სავალდებულო დეკლარაციაზე უფლებამოსილ ხე­ლის მომწერზე მწარმოებლის ან მისი უფლებამოსილი წარმომადგენელისათვის, რომელიც არის საქართველოს რეზიდენტი.

ეტიკეტზე დატანილი უნდა იყოს შემდეგი ინფორმაცია:

• წნევის ქვეშ მომუშავე მოწყობილობის მწარმოებლის დასახელება და მისამართი;
• წარმოების წელი;
• წნევის ქვეშ მომუშავე მოწყობილობის საიდენტიფიკაციო მონაცემები მისი სახეობის მიხედვით, როგორიც არის ტიპი, სერიის ან პარტიის საიდენტიფიკაციო ნომერი და სერიული ნომერი;
• არსებითი მაქსიმალური/მინიმალური დასაშვები ზღვრები;